Føroyski U21 landsliðsmiðvallarin, Jonas Gejel Hansen, skiftir frá TB til FC Helsingør, sum spælir í næstbestu deildini í Danmark.
Jonas Gejel Hansen, sum eisini hevur spælt við Esbjerg, spældi í fjør við TB. Hann vann sær eisini fast pláss á miðvøllinum á U21 landsliðnum.
- Jonas er ein spennandi spælari, sum vit hava havt eyguni eftir í eitt ár ella so, sigur Janus Kyhl, stjóri í felagnum.
Hann leggur afturat, at felagið vónar at kunna hjálpa Jonas við at fáa sítt gjøgnumbrot í donskum fótbólti. Felagið hevur í vetur mist tveir miðvallara – har í millum Mads Laudrup. FC Helsingør spælir í næstbestu deildini í Danmark, sum nú telur nógvar føroyskar spælarar eftirhondini.
