Komandi vikuskiftið skal U21-landsliðið hjá monnum í eldin í Grikkalandi. Liðið skal spæla tveir HM-undandystir í grikska býnum Nea Kios.
Fríggjadagin 9. januar klokkan 18.00 spæla Grikkaland og Føroyar. Leygardagin klokkan 18.00 spæla Føroyar móti Serbia.
So er spurningurin hvørja móttøku eitt føroyskt itróttarlandslið fær í Grikkalandi, eftir at A-landsliðið hjá monnum í fótbólti í november í fjør vann 1-0 á Grikkalandi í Athen?
Til uppgávuna hava landsliðsvenjararnir Kári Nielsen og Birgir Hansen úttikið 15 leikarar:
- Tóraldur Kollsker, Pætur Thomsen, Helgi Hoydal og Tróndur Arge úr H71
- Niklas Simonsen, Áki Egilsnes og Julian Olsen úr VÍF
- Kjartan Johansen, Pætur Johansen og Johannes Olsen úr StÍF
- Rói Berg Hansen og John í Innistovu úr Neistanum
- Hjalte Bachmann og Eirikur Simonsen úr Kyndli
- Allan Norðberg úr Ikast Hånbold
