Elias Ellefsen á Skipagøtu liggur í løtuni á fjórða plássinum á HM-toppskoraralistanum við 48 málum fyri fimm leiktar dystir.
Men allir hinir millum 22 teir fremstu toppskjúttarnir í kappingini eru lidnir at spæla dystir í kappingini. Elias fær høvið at skjóta mál móti Danmark leygarmorgunin klokkan níggju, og so aftur sunnudagin í einum dysti um antin fimta ella sjeynda plássið.
Listin við 24 teimum fremstu skjúttunum sær soleiðis út. Gev gætur, at allir hinir frammi í oddinum hava spælt sjey dystir. Elias hevur bert spælt fimm dystir higartil:
##med2##
Tað er ógvuliga sannlíkt, at Elias endar ovast á assist-listanum sum spælarin við teimum flestu málgevandi sendingunum.
Elias er langt fremst við 42 málgevandi sendingum í fimm dystum. Nærmasti av teimum, ið eru eftir í kappingini er Andri Már Rúnarsson hjá Íslandi við 26 málgevandi sendingum í seks dystum.
Listin við 20 teimum fremstu spælarunum við flest málgevandi sendingum sær soleiðis út:
##med3##
