Meðan vit í Føroyum kunnu fegnast um at vera millum átta tær fremstu U21-tjóðirnar í hondbólti í heiminum er støðan ein heilt onnur í Grønlandi.
Grønlendska U21-landsliðið hevur í fimm dystum latið 251 mál inn. Í hesum fimm dystunum hevur Grønland skotið 89 mál.
Úrslitini hjá Grønlandi higartil eru hesi:
Grønland-Slovenia 23-48 (10-24)
Grønland-Svøríki 12-50 (5-24)
Grønland-Bahrain 13-63 (5-33)
Grønland-Noreg 21-47 (10-24)
Grønland-Argentina 21-43 (13-21)
13-63 tapið fyri Bahrain er met fyri stórtap í einum HM-endaspæli í hondbólti.
Stóri grønlendski miðilin, Sermitsiaq hevur ikki umrøtt grønlendska U21-landsliðið síðani 12-50 tapið fyri Svøríki. Aftaná dystin móti Svøríki gjørdu teir eina samrøðu við landliðsvenjaran, Angutimmarik Kreutzmann sum staðfesti: - Vit hava nógv at læra.
Eingin umrøða er at síggja í Sermitsiaq av dystunum móti Bahrain, Noregi og Argentina.
Grønland møtir Kuba fyrrapartin í morgin klokkan 11. Fyri einum ári síðani leikti grønlendska A-landsliðið javnleik 27-27 móti Kuba, og vónandi kann U21-landsliðið hjá Grønlandi fáa eitt líkinda úrslit í morgin.
##med2##
