Kári Nielsen og Birgir Hansen, sum eru landsliðsvenjarar hjá U20-landsliðnum, hava tikið út ein bruttohóp við tilsamans 23 spælarum til komandi EM-undankappingina.
Hesir spælararnir skulu venja fram ímóti trimum EM-undankappingardystum, sum verða spældir í Ísrael frá 4. til 6. apríl næsta ár. Sum frálíður verður hópurin skorin niður til ta stødd, hann skal hava.
Sum málmenn eru úttiknir Niklas Simonsen og Tóki Seloy úr VÍF, Tóraldur Kollsker úr H71 og Jan Pauli Johannesen úr Kyndli.
Útispælararnir eru Tróndur Arge, Pætur Thomsen, Jónas G. Djurhuus og Djóni Højgaard úr H71, Rói B. Hansen, Hjalti í Jákupstovu, Teis Horn Rasmussen og John í Innistovu úr Neistanum, Hanus Chritophersen, Áki Egilsnes, John R. Nielsen og Julian Olsen úr VÍF, Allan Norðberg og Kjartan Johansen úr StÍF, Fríði Weyhe úr KÍF, Hjalte Bachmann úr Kyndli, Eirikur Simonsen og Helgi Hoydal úr Viborg, og Rasmus Gullfoss úr Taastrup.
