Føroyska U20-landsliðið spælir í annaðkvøld fyrsta dystin í HM-undankappingini, sum verður spæld í Hoyvíkshøllini um vikuskiftið. Hesin fyrsti dyturin er ímóti Slovenia, og hann byrjar kl.19.00.
Landsliðsvenjarin hjá føroyska U20-landsliðnum, Per Klarup, sigur við Sosialin, at liðið er væl fyri til kappingina.
- Vit fara at gera alt fyri at fáa so góð úrslit sum gjørligt, soleiðis at vit kunnu hyggja hvønn annan í eyguni aftaná og siga, at vit hava gjørt alt vit vóru ment, sigur Per, ið eisini hevur eini boð til føroyska fólkið.
- Vit vóna, at so nógvir og positivir áskoðarar sum gjørligt koma at stuðla okkum, sigur Per Klarup.
Lesið alla upptaktina í Vikuskiftissosialinum.
Skráin fyri HM-undankappingina fyri U20-landslið:
Fríggjadag 23. mars, kl. 19.00, Føroyar – Slovenia
Leygardag 24. mars, kl. 19.00, Slovenia – Turkaland
Sunnudag 25. mars, kl. 19.00, Turkaland – Føroyar
- allir dystirnir verða spældir í Hoyvíkshøllini
