Føroyska U19-landsliðið hjá dreingjum spældi í dag triðja og seinasta dystin í EM-undankappingini.
Mótstøðuliðið var Finnland, sum hevði tikið øll á bóli, tá ið tað gjørdist finskur sigur á Danmark í fyrsta dystinum, og hevði eisini møguleikan at spæla seg víðari í kappingini við sigri á Føroyum
Føroyingarnir høvdu eisini spælt ein fínan dyst ímóti dønum, so finsku leikararnir vóru ávaraðir um føroysku góðskuna.
Sí eisini:
U19: Hildu Danmark á pínubeinkinum
Og føroyingarnir megnaðu eisini at fáa stig ímóti sterka finska landsliðnum.
Fulham-leikarin, Terry Ablade, legði Finnland á odda miðskeiðis í fyrra hálvleiki og tann støðan helt sær inntil einir 88. minuttir vóru leiktir.
Tá endaði bólturin í finska málinum. Noah Nurmi úr danska felagnum, Esbjerg, varð skrásettur fyri sjálvmál, ið Aron Ellingsgaard hevði seinasta føroyska fótin á - og úrslitið gjørdist 1-1.
Danmark vann sín dyst 1-0 á Fraklandi, og endaði við at vinna bólkin frammanfyri Frakland.
Støðan í bólkinum endaði soleiðis (uefa.com)
| D | V | J | T | V.m | T.m | M.m | Stig | |
|---|---|---|---|---|---|---|---|---|
| Danmark | 3 | 2 | 0 | 1 | 4 | 2 | 2 | 6 |
| Frakland | 3 | 2 | 0 | 1 | 7 | 1 | 6 | 6 |
| Finnland | 3 | 1 | 1 | 1 | 3 | 4 | -1 | 4 |
| Føroyar | 3 | 0 | 1 | 2 | 1 | 8 | -7 | 1 |
Føroyska U19-landsliðið hjá dreingjum:
Bjarti Vitalis Mørk, HB
Andreas Jansson Thomsen, B36
Børge Petersen, KÍ
Ári Arge, OB (Danmark)
Alexander Ólavsson Jensen, B68
Elias El Moustage, Thisted (Danmark)
Aron Jarnskor, Víkingur
Símun Sólheim, HB
Leivur Fossdal Guttesen, SønderjyskE (Danmark)
Jonn Johannesen, KÍ
Jóhann Hansson Joensen, B36
Peter Bergman Hansen, OB (Danmark)
Tórur Franksson Joensen, HB
Meinhard Debes Geyti, NSÍ
Noah Hans Mneney, Víkingur
Gundur Ellingsgaard Petersen, ÍF
Dánjal Reginsson, HB
Bárður Ólavsson Jensen, B68
