Frá 13. mars til 15. mars verður U17 EM undankapping í kvinnuhondbólti í høllini á Hálsi. Liðini, sum eru við í kappingini eru umframt Føroyar; Russland, Kekkia og Ísland.
Les eisini: U17 landsliðið úttikið
Talan verður um trý umfør, so øll liðini spæla eina ferð um dagin, meðan undankappingin er í gongd. Hvønn dag eru so tveir dystir. Ein verður klokkan 17, meðan seinni dysturin verður klokkan 19.
Skráin sær soleiðis út:
Fríggjadagin 13. mars:
Kl. 17.00 Russland - Kekkia
Kl. 19.00 Ísland – Føroyar
Leygardagin 14. mars:
Kl. 17.00 Russland - Ísland
Kl. 19.00 Kekkia – Føroyar
Sunnudagin 15. mars:
Kl. 17.00 Kekkia - Ísland
Kl. 19.00 Føroyar – Russland
Nr. 1 og 2 í bólkinum vinna seg víðari til endaspælið, sum verður í Makedonia í august 2015. Venjarar hjá føroyska U17 landsliðinum eru Oliver Jensen og Bárður Johannesen.
