Atlantsflog hevði nevndarfund týsdagin, og á tí fundinum vóru umframt framtíðarætlanir felagsins, ítøkiligar ætlanir um tyrlukeyp viðgjørdar. Leiðslan í Atlantsflog hevur eina tíð gjørt kanningar við serligum atliti til, hvussu tørvur, slag og kostnaður kunnu sameinast í ætlanini.
Gjørt verður kortini púra greitt, at ætlanin hevur samband við politsku ábendingarnar um, at danska tyrlutænastan, ið hevur havt um hendi leiting og bjarging í føroyskum øki, eigur at gerast føroysk.
Magni Erge, stjóri á Atlantsflog, ger vart við, at enn ber ikki til at siga, hvussu leikur fer.
? Vit sita og í løtuni og royna at gera av, hvørja tyrlu best er at keypa, um ætlanin gerst veruleiki. Snípan er meðalstór tyrla, og spurningurin er, um vit eiga at keypa eina í somu stødd, ella um vit eiga at fáa okkum eina størri. Í hesum sambandi hava vit tosað við flogfeløg, eins og tyrluframleiðarar, til tess at kanna kostnað á nýggjum og brúktum tyrlum, sigur Magni Arge.
Stjórin leggur dent á, at Atlantsflog undir ongum umstøðum fer at keypa tyrlu í bræði, um løgtingsjáttanin í umbúna, sum er einar 10. mió., ikki verður veruleiki.
Tyrlur eru sera kostnaðarmiklar. Eina spildurnýggj Bell 212 tyrla, sum er sama slag sum Snípan, kostar einar 40 mió. krónur.
