Lagnan hjá Saltsiloini verður avgjørd fyrrapartin.
Løgtingið skal taka støðu til tvey ymisk uppskot um konserthúsið á Drelnesi. Fyrra uppskotið, sum landsstýrismaðurin í Fìggjarmálum hevur latið úr hondum, leggur upp til at lata 20 milliónir krónur so hvørt, sum húsið verður bygt - fyrstu milliónirnar verða latnar í fyrsta lagi næsta ár.
Í seinna uppskotinum, sum Edmund Joensen hevur gjørt, skulu 6 milliónir gjaldast í ár, og restin í tveimum umførum komandi tvey árini.
Harumframt bindur løgtingið seg til at veita árligan stuðul á 2,5 milliónir krónur til at reka mentanarhúsið, tá tað er klárt at taka í nýtslu.
