Síðsti dystur i øðrum umfari var undir Mýruhjalla á Skála í kvøld.
AB var á vitjan, og tað endaði við málleysum javnleiki.
Úrslitið ber við sær, at bæði Skála og AB hava fýra stig og eru á ávikavíst triðja og fjórða plássi.
Á listanum hjá Paula Poulsen og Skála vóru tveir útlendingar og síðani lokalir spælarar. Útlendingarnir á Skála eru Patrick Mensah, sum er 23 ára gamal miðvallari úr Ghana og Simon Jørgensen, sum er 19 ára gamal danskur álopsspælari.
Á listanum hjá Øssuri Hansen og AB vóru tveir útlendskir spælarar saman við føroyskum spælarum. Útlendingarnir í AB eru 20 ára gamli danski álopsspælarin Luca Thorstensen og 20 ára gamli ghanesiski miðvallarin Jeremiah Okornoe, sum varð skiftur inn í 90. minutti, tá ið hann avloysti Rógva Skála.
Sambært dystir.fo hevði Skála fýra góðar málmøguleikar og AB hevði ein góðan málmøguleika. AB vann fýra hornaspørk, og Skála vann tvey hornaspørk.
Um tvær vikur fer Skála at spæla á útivølli ímóti NSÍ, og tá fer AB at eiga heimavøll ímóti ÍF.
