Tað vóru London-grannarnir úr West Ham, sum høvdu vitjan av Arsenal í dag, og sigast má, at West Ham fekk eina flúgvandi byrjan, tí longu eftir góðum hálvum tíma vóru teir á odda heili 3-0.
Men stutt fyri hálvleik gjørdi West Ham sjálvmál, og tá ið søgan endurtók seg nakað inn í seinna hálvleik, sá Arsenal bráddliga møguleikan fyri at fáa í minsta lagi eitt stig. Og tað eydnaðist Arsenal at javna við máli frá Alexandre Lacazette til endaligu støðuna 3-3.
Eftir dystin er West Ham framvegis nummar fimm, meðan Arsenal er nummar níggju í Premier League.
