Løgreglan í Havn sigur annars frá einum sera friðarligum vikuskifti. Tvey ferðsluóhapp hava verið, har eingin stórvegis mansskaði var at siga frá.
Leygarmorgunin koppaði ein bilur í Kollafirði. Óhappið hendi inni í bygdini, og bilurin endaði á takinum. Trý fólk vóru í bilinum, og tey kláraðu øll at sleppa sær út.
Eitt annað óhapp hendi á Oyggjarvegnum. Har fór ein bilur av vegnum norðanfyri Norðradalsskarð. Vegurin var hálur, og førarin misti tamarhaldið á bilinum. Bilurin fór illa, men teir báðir persónarnir sluppu við smávegis snuddum.
