Tvey donsk farmaskip stoyttu saman úti fyri sponsku strondini í morgun. Skipini vóru tætt uttan fyri havnarbýin Algeciras á sponsku suðurstrondini, tá tey stoyttu saman.
Annað skipið, eitt oljutangaskip, fekk lítlan skaða av stoytinum og sigldi sjálvt inn til Algeciras. Hitt skipið, sum er fermt við jarnmálmi, er í ferð við at søkka.
Bæði skipini sigla undir donskum flaggi.
