- Partrolararnir, sum fiska upsa kring um á landgrunninum, hava heldur smáligan fiskiskap. Hesi skip koma inn at landa, sum næsta vika gongur.
Tað veit Fiskamarknaður Føroya at siga.
Um djúpvatnstrolararnar verður sagt, at ein er á svartkalvaveiði í Grønlandi og frystir veiðina umborð. Ein fiskar blálongu og landar uttanlands. Restin av djúpvatnstrolarunum liggja við bryggju.
- Tveir trolbátar eru norðan fyri, og væntandi landa báðir miðskeiðis í vikuni sum kemur. Teir fáa mest av toski, hýsu, reyðsprøku og upsa.
Fiskamarknaður Føroya veit eisini at siga, at tvey garnaskip, sum eru til fiskiskap, koma inn at landa miðskeiðis í vikuni sum kemur, og tey hava brúkiligan fiskiskap.
Myndin er av trol-og útróðrarbátum í Leirvík.
