Í nátt hevur løgreglan tikið tveir mans við rúsevnum uppi á sær. Annar varð tikin á tónleikastevnuni, Voxbotni, og hin varð tikin á jóansøku.
Løgreglan sigur, at maðurin, sum varð tikin á Voxbotni, ringdi sjálvur til løgregluni at melda eitthvørt. Men tá ið løgreglan kom á tal við mannin, og gjørdi av at kanna hann, funnu tey fimm gramm av hassji uppi á honum
So hann fær nú eina bót fyri at hava brotið lógina um rúsevni.
Í gjárkvøldið tók løgreglan í Suðuroy eisini ein mann, sum vísti seg at hava heilivág uppi á sær. Talan var um heilivág, sum bara verður útflýggjaður eftir ávísing frá lækna. Men heilivágurin varð ikki ætlaður til hansara. Og tað er ikki loyvt at ganga vi
Resept-heilivági uppi á sær, sum er skrivaður til onkran annan. Samstundis var talan um heilivág, sum ofta verður brúktur at rúsa seg við, og tískil fær eisini hesin maðurin bót fyri at bróta lógina um rúsevni.
Í sambandi við jóansøkuna gjørdi løgreglan eisini nógv burtur úr at kanna ferðsluna, og úrslitið av tí var, at ein bilførari er skuldsettur fyri at koyra við kenning.
