Skála boðar í kvøld frá, at felagið hevur gjørt sáttmálar við Heðin Klakstein og Jóhan Waag Høgnesen.
27 ára gamli Heðin Klakstein er uppaldur í KÍ, men hevur seinastu tvey kappingarárini spælt við Skála, har tað er blivið til seks mál í 55 dystum.
Jóhan Waag Høgnesen er 21 ára gamal og hevur umframt eitt tíðarskeið í danska SønderjyskE eisini spælt við KÍ, har hann einamest hevur verið á næstbesta- og U21-liðnum.
Sáttmálarnir hjá teimum eru galdandi fyri kappingarárið 2020.
- Vit fegnast um at Heðin heldur áfram á Skála, og bjóða Jóhan vælkomnum undir Mýruhjalla, skrivar Skála á facebook í kvøld.
