Hetta sigur hann í tíðargrein her í blaðnu í dag.
– Um hesi viðurskifti verða avgreidd, so hvørvur ein partur av stevnuskránni hjá teim ymisku flokkunum, og flokkarnir kunnu so við øðrvísi ídni kasta seg yvir vanligan samfelagspolitkk, sum upptekur politiskar flokkar í øðrum londum, sigur Jógvan Sundstein.
– Hvussu nógvar flokkar vit so fáa í Føroyum, veit eg ikki, men eg ímyndi mær, at vit koma at fáa nakað sum líkist eini tvíflokkaskipan, sum til dømis í Bretlandi. Eg síggi fyri mær, at tveir av núverandi flokkum vera høvuðsflokkar, og tað eru Javnaðarflokkurin og Fólkaflokkurin. Ein partur av Tjóðveldisflokkinum og eitt sindur av Sambandsflokkinum fer so saman við Javnaðarflokkinum, meðan ein annar partur av Tjóðveldisflokkinum og meginparturin av Sambandsflokkinum leggur saman við Fólkaflokkin, sigur Jógvan Sundstein.
Hann heldur hinveing, at Sjálvstýrisflokkurin fer helst helvt um helvt í hvønn partin.
– Miðflokkurin fer helst ongan veg, meðan Framsókn má roknast við at fara borgarliga vegin, heldur Jógvan Sundstein, sum vísir á, at Jóannes Eidesgaard í eini tíðargrein hevur eftirlýst einum alternativi til núverandi samgongu.
– Eg rokni ikki við nøkrum varandi alternativi undir núverandi politisku skipan, men fáa vit fullveldi og fáa loyst suverenitetsspurningin, so kundi tað hent, at Jóannes fekk sítt ynski um tvey alternativ uppfylt. Hann átti at gjørt sína ávirkan galdandi og fingið sjálvstýrismálið loyst, heldur Jógvan Sudnstein.
Lesið tíðargreinina á síðu 17
