Útvarpið hjá Kringvarpinum lýsir nú um dagarnar við eykavinningum í V4 í sambandi við, at V4 fyllir fimmti ár í november. Eykavinningarnir eru fimm ferðir 10.000 krónur.
Søgan um V4 er kortini tann, at fyrsti V4 drátturin var hin 29. november í 1969. Soleiðis fyllir V4 »bara« 40 ár 29. november.
Í vikuni fyri leygardagin 29. november í 1969 samtykti løgtingið endaligt at geva Útvarpi Føroya loyvi til serskilda happadráttin, og girokortið við V4 seðlinum – sum kostaði fimm krónur - varð sent í hvørt hús í Føroyum.
Annika Mittún Jacobsen, kringvarpsstjóri, viðgongur, at tey hava gjørt ein roknifeil – og at hann verður rættaður.
Fjøruti ára dagurin hjá V4 er fyrsta sunnudag í advent.
