Fótbóltur
Heimsins besti fótbóltsspælari í 2008 og samstundisi eisini maðurin, sum í 2009 gjørdist heimsins dýrasti fótbóltsspælari, leveraði vøruna, tá Real Madrid í gjárkvøldið vann 5-2 á útivølli móti Zürich.
Cristiano Ronaldo sendi eina frísparksperlu í netið til 1-0, áðrenn hann átti sín stóra lut í málinum til 2-0. Og hóast málverjin hjá Zürich ikki sá alt ov væl út, tá Ronaldo skoraði til 5-2 við beinleiðis frísparki, skalaði hetta ikki myndina av, at Ronaldo, Kaká og hinar stjørnurnar í Madrid leveraðu vøruna.
Talan varð annars ikki um eitt kvøld við teimum heilt óvæntaðu úrslitunum. Wayne Rooney slapp tó á ensku breddarnar, tá hann var sjónliga ónøgdur um at verða skiftur út, áðrenn Paul Scholes tryggjaði Manchester United trý stig í Istanbul móti Besiktas, og á útivølli vann Milan 2-1 móti Marseille.
Hinvegin var tað ikki heilt eftir bókini, at Nicosia megnaði málleysan javnleik í Madrid, men tað prógvar fyrst og fremst, at tað avgjørt ikki var eitt vánaligt lið, sum sendi bæði EB/Streym og FCK úr kappingini.
Í kvøld verða aftur átta dystir á skránni, og her er stórdysturin uttan iva á San Siro í Milano, har Barcelona og Zlatan koma á vitjan hjá Inter og Eto’o. Ein dystur, sum eisini verður vístur á 3+.
Úrslitini týskvøldið
Bólkur A
Maccabi Haifa-Bayern München 0-3
Juventus-Bordeaux 1-1
Bólkur B
Wolfsburg-CSKA Moskva 3-1
Besiktas-Manchester Utd 0-1
Bólkur C
Marseilla-AC Milan 1-2
Zürich-Real Madrid 2-5
Bólkur D
Atletico Madrid-Apoel Nicosia 0-0
Chelsea-Porto 1-0
Dystir í kvøld
Bólkur E
Liverpool-Debrecen (TV2 Sport)
Lyon-Fiorentina
Bólkur F
Dynamo Kiev-Rubin Kazan
Inter-Barcelona (3+)
Bólkur G
Sevilla-Uniera Urziceni
Stuttgart-Rangers
Bólkur H
Olympiakos-Alkmaar
Standard Liege-Arsenal
