Ein hitabrúgv yvir Føroyum fer í ein landnyrðing, meðan ein kuldabrúgv kemur inn yvir Føroyar av vestri sum sunnudagurin líður. Síðani breiðir eitt hátrýst seg yvir bretsku oyggjarnar og sendir lýggja luft av suðri yvir Føroyar. Mikudagin væntast enn ein kuldabrúgv av koma inn yvir Føroyar og óstøðug luft við ælaveðri streymar síðani inn yvir Føroyar av vestri.
Sunnudagin veður gul til stívt andøvsgul, í støðum upp í ein strúk, av suðri. Skýggjað og regn ein stóran part av tíðini. Seinnapartin snarar hann vindin í ein útsynning og vestan og makar niður í eitt lot til andøvsgul. Skýggjað og regn, og um kvøldið okkurt æli. Hitin um 10 stig. Mánanáttina verður lot til andøvsgul av vestri. Tað klárar í og verður samdrigið og sum frá líður einans okkurt æli. Hitin millum 5 og 9 stig.
Mánadagin verður lot til andøvsgul av vestri, 3 til 8 metrar um sekundið, sum um kvøldið og náttina snarar í ein útsynning. Onkur sólglotti, men eisini okkurt æli. Hitin millum 7 og 10 stig.
Týsdagin verður lot til andøvsgul av útsynningi, 3 til 8 metrar um sekundið, sum spakuliga øtlar og um náttina verður stívt andøvsgul upp í hvassan vind av útsynningi og suðri, 10 til 15 metrar um sekundið. Skýggjað, men yvirhøvur turt og hitin um 10 stig.
Mikudagin verður stívt andøvsgul upp í hvassan vind av útsynningi og suðri, 10 til 15 metrar um sekundið, sum snarar í ein vestan og makar niður í gul til stívt andøvsgul, 5 til 10 metrar um sekundið. Skýggjað og eina stund regn av vestri, men út á náttina samdrigið og okkurt æli. Hitin millum 7 og 10 stig.
Hósdagin verður gul til stívt andøvsgul av vestri, 5 til 10 metrar um sekundið. Samdrigið og ælaveður og hitin millum 7 og 10 stig.
Fríggjadagin veður gul til stívt andøvsgul av vestri, sum øtlar upp í stívt andøvsgul upp í hvassan vind, 10 til 15 metrar um sekundið. Skýggjað og ælaveður og hitin um 10 stig.
