Tung landsliðsuppgáva

U17-kvinnulandsliðið í flogbólti tapti fyri Finnlandi í fyrsta dystinum í norðureuropeisku meistarakappingini í flogbólti, sum í hesum døgum er í danska býnum, Ikast. Fyrrapartin skuldu føroysku kvinnurnar spæla ímóti Onglandi

Hilmar Jan Hansen

21.12.2009 (12:01)

<style type="text/css">  </style>   <p class="MsoNormal">Kappingin um norðureuropeiska meistaraheitið í flogbólti ber heitið Nevza Cup, og hesa ferð eru Føroyar bert umboðaðar á kvinnusíðuni. U17-kvinnurnar eru komnar í bólk saman við Finnlandi og Onglandi, og í hinum bólkinum spæla Svøríki, Danmark og Ísland.</p> <p class="MsoNormal">Norra plagar eisini at vera við, men hevur hesa ferð givið avboð. Hinvegin er Finnland komið við aftur, eftir at finnar hava hildið kappingina við hini norðurlondini verið ov lítið avbjóðandi, og tí ikki hava verið við.</p> <p class="MsoNormal">At Finnland kann vera ein stórur biti, fekk føroyska liðið eisini at sanna í gjár, tá fyrstu dysturin hjá føroysku kvinnunum var júst ímóti teimum finsku. Føroyar taptu 0-3, og ongantíð var nakar ivi um, hvønn veg hesin dysturin fór. Bara í triðja setti megnaðu Føroyar at fylgja við í eina løtu, men so var eisini tað yvirstaðið.</p> <p class="MsoNormal">Serliga vóru tað móttøkurnar, ið góvu føroyska U17-landsliðnum trupulleikar, tí finsku spælararnir høvdu sera góðar servur, ið tær føroysku høvdu meiri enn trupult at fáa fatur á. Tí spurdist lítið og einki føroyskt álopsspæl burturúr.</p> <p class="MsoNormal"><o:p> </o:p> <p class="MsoNormal">Skuldu møta Onglandi<o:p></o:p> <p class="MsoNormal">Fyrr um dagin hevði Finnland vunnið 3-0 á hinum liðnum í okkara bólki, Onglandi, men sum skilst, hevði finska spælið ikki verið so gott í tí dystinum, og tí komu sá enska avrikið – í øllum førum á pappírinum – munandi betur út. Finnland vann settini 25-12, 25-19 og 25-23.</p> <p class="MsoNormal">Av tí at Finnland longu hevur vunnið báðar sínar dystir, er Finnland vinnari av bólkinum og skal seinnapartin í dag spæla hálvfinalu ímóti vinnaranum í hinum bólkinum, har Svøríki somuleiðis hevur bast bæði Danmark og Íslandi, og tí er bólkavinnari har.</p> <p class="MsoNormal">Føroyar skuldu fyrrapartin klokkan 10.30 spæla ímóti Onglandi, og tað úrslitið var altavgerandi fyri, hvussu nógv føroysku kvinnurnar hava at spæla um víðari í kappingini. Vunnu Føroyar, kom liðið í hálvfinalu seinnapartin ímóti næstfremsta liðnum í hinum bólkinum, men taptu Føroyar, kom liðið beinleiðis til dystin um fimtaplássið, ið so verður í morginári klokkan átta ímóti niðasta liðnum í hinum bólkinum.</p> <p class="MsoNormal">Talan er annars um eitt spildurnýtt føroyskt U17-landslið, sum er farið avstað til kappingina, og bara ein av spælarunum, Anja Danielsen, hevur royndir frá slíkum kappingum. Av tí at nógvir dystir hava verið í heimligu kappingini, hevur liðið heldur ikki havt so mong høvi at koma saman og venja, sum fleiri av hinum liðunum hava tað. Eitt nú ganga nógvir av spælarunum á svenska og danska liðnum á sama skúla og hesi londini hava tí væl samanspæld lið.</p>

Tung landsliðsuppgáva

Mest lisið

Myndir: Tvey reyð kort á Svangaskarði

Júst farin um sýnina

Hetta er ein stórur brølari hjá Eyðdis

Tveir bilar koyrdu á sama seyð

Hassjplantur í Vágum

Veðurlagsbroytingar, orkutiltøk og rættindi hjá upprunafólki

Fyrrverandi forseti dømdur til deyða

Champions League: Bodø/Glimt mundi koppað Tottenham

Vilja við lóg hava C, W, Q, Z og X inn í føroyska stavraðið

VIDEO: Soleiðis vunnu Gunnar og liðfelagarnir toppdystin