Tað sigur Tummas Frank Joensen í Skúvoy, sum hevur verið limur í Javnaðarflokkinum í nógv ár.
Tá ið Gerhard Lognberg varð koyrdur úr flokkinum, gav hann ilt av sær og segði, at hann meldaði seg út.
– Eg havi meldað meg úr Javnaðarflokkinum munnliga, og tann avgerðin stendur við, sigur hann.
Nú Gerhard Lognberg er farin upp í Sambandsflokkin, hevur Tummas Frank Joensen ikki gjørt av, um hann fylgir við.
– Eg havi fylgt Gerhardi, og eg havi stuðlað honum. Vit hava ikki altíð verið samdir, men eg havi verið nøgdur við hann.
– Eg eri fríur sum fuglurin á takinum, og eg veit ikki, hvønn veg eg fari, sigur hann.
Tummas Frank heldur, at Gerhard Lognberg hevur stríðst fyri arbeiðsplássum í Sandoy, og hann heldur framvegis, at tað var skeivt at koyra hann úr flokkinum.
– Tá ið tú lagar garð, kunnu allir steinar brúkast. Tað snýr seg bara at leggja teir rætt, sigur hann myndaliga.
