Tá freistin at stilla upp til sýsluformansvalið í Føroya Fiskimannafelag var úti klokkan 16 í dag, var greitt, at val verður bert í einari sýslu.
Í Sandoyar sýslu situr Sniálvur Røvilsberg sum sýsluformaður, men hann hevur nú fingið ein avbjóðara.
Avbjóðarin er skúvoyingurin, Tummas Frank Joensen, sum er í starvi umborð á strandfaraskipinum Teistanum.
Í hinum fimm sýslunum verður einki val, tí einki mótvalevni er, og soleiðis vera teir, sum eru sýsluformenn her, fyribils sitandi í trý ár aftrat.
