Tað hendir neyvan ofta í nakrari landskapping í Europa, at í heilum átta umførum á rað er eingin málleysur javnleikur skrásettur.
Soleiðis bleiv tað í 1.deild í ár. Fýra 0-0 dystir vórðu spældir í trimum teimum fyrstu umførunum, og fyri seinastu ferð áðrenn hetta vikurskiftið komu eingi mál fyri meir enn trimum mánaðum síðani í týdninglamiklari uppgerð millum KÍ og HB.
Aftur hesaferð vóru tað áskoðarar í Klaksvík, ið eingi mál skuldu síggja í einum toppdysti, har nógv stóð uppá spæl ? hóast nógvar møguleikar, kláraðu hvørki KÍ ella GÍ at gera mál.
Dystir uttan mál
1 umfar: NSÍ - ÍF
2. umfar: VB-B36
2. umfar: B68 - NSÍ
3. umfar: KÍ - HB
13. umfar: KÍ-GÍ
Í fjør endaðu eisini fimm dystir í 1.deild við 0-0, so vit loyva okkum at vóna, at henda kvotan til málleysar javnleikir longu er uppbrúkt í 1999, sjálvt um fimm umfør eru eftir at leika.
