Tá nýtist tær bert at starvast í átta ár fyri at náa fulla tænastumannapensjón, og tá fært tú 60% av eini landsstýrismannaløn - ella rættari um 27.000 krónur um mánaðin. Og ert tú so heppin, at tú hevur verið løgmaður eina stutta tíð eisini, til dømis í eitt ár - innan hesi átta árini, so fært tú fulla løgmanspensjón, og tá fært tú slakar 32.000 krónur um mánaðin.
Pensjónistar, sum eru so rík sum politikararapensjónistar hava helst ráð at missa grundarupphæddina í fólkapensjónini.
Og ert tú ein so heppin politikari, at aldurin hjá tær pluss tvær ferðir starvsaldurin á tingi og í landsstýrisnum tilsamans er 95 ár, so fært tú fulla feita pensjón, tá tú ert 60 ár. Og hevur tú verið á Fólkatingi, so fært tú eina feita pensjón afturat føroysku politikarapensjónini.
Soleiðis kunnu til dømis bæði Jóannes Eidesgaard og Anfinn Kallsberg fara frá við fullari feitari løgmanspensjón sum 60 ára gamlir. Teir fáa eisini danska pensjón frá Fólkatinginum...
Ja, ójavnt er býtt, tað kunnu vit so mangan staðfesta.
Vit siga bara, sum George Orwell gamli segði í 1945, tá bókin Animal Farm kom út. »All animals are equal, but some animals are more equal than others.«
(Øll djór eru líka, men summi djór eru meira líka enn onnur)
