Næsta leygarkvøld, tað er 25. februar, skipar Kyndil fyri stórum harmonikudansi í høllini á Hálsi.
Kvøldið byrjar klokkan 20, tá ið Tres Amigos fara at spæla undir til felagssang. Heili átta orkestur fara at spæla til stóra dansin.
Skipað varð fyrstu ferð fyri harmonikudansi í høllini á Hálsi í februar í fjør. Kvøldið var ein roynd hjá Kyndli og Harmonikufelag Føroya at skipa fyri einum øðrvísi dansi- og sangkvøldi. Tiltakið eydnaðist sera væl, og fólk sungu og dansaðu í sera góðum lag, sigur Kyndil.
Nú verður so aftur møguligt at dansa og syngja aftur við góðum harmonikutónleiki.
Við til harmonikudansin leygarkvøldið 25. februar verða:
Mogens Bækgaard
Norrøna Dansband
Kallar
Tetra
Dansiorksestrið Flamingo
Spælimenninir
Spælimenn úr Nólsoy
Harmonikumenn úr Klaksvík
