Á Eystanstevnuni í Runavík um vikuskiftið,var ikki bara kappróður.
Sum vanligt á Skálafjørðinum, var eisini kappsigling.
Veðrið var av tí allar besta til sigling, bara eitt lítið lot út eftir Skálafirði.
Starturin var inni á Langanesi og 13 bátar vóru tilmeldaðir.
Teir skáksigldu úteftir fjørðinum og sigldu um tríggjar boyur og málið var ímillum molarnar til kaihylin úti í Runavík.
- Tað gjørdist ein sera góð og vøkur sigling, eisini fyri áskoðararnar á landi, sigur Regin Debes, sum var við.
- Sjálv mállinjan kom at liggja í stilli av tí at stórir russiskiskir trolarar lógu beint við og tað argaði siglararnar eitt sindur.
Aftaná siglingina var kaffi og heimabakað skuffukaka í tjaldinum á havnarlagnum.
Har vóru eisini steypini handað, millum annað eitt stórt ferðasteyp, sum Snaraløkur gav í 1997. Enn hevur eingin bátur vunnið tað 3 ferðir á rað ella 5 ferðir tilsamans.
Hesir bátar fullførdu siglingina:
Nr. 1. Hoyvíkingur úr Hoyvík
nr. 2. Alma úr Vestmanna
nr. 3. Malle úr Kollafirði
nr. 4. Jona av Strondum
nr. 5. Dvørgamoy av Toftum
nr. 6. Miðgerð úr Kollafirði
nr. 7. Grani av Toftum
nr. 8. Sildin av Toftum
