Øll 16.800 setrini á Swissporarena eru seld til landsdystin móti Føroyum. Talan er um 16.700 heimaáskoðarar, og eini hundrað føroysk viðhaldsfólk.
Les eisini: Shaqiri ikki við móti Føroyum
Áhugin fyri sveisiska landsliðnum er stórur í løtuni. Sveis liggur á odda í bólkinum við níggju stigum fyri tríggjar dystir. Sum skilst, so verður væntað at heimaliðið vinnur lættliga.
Les eisini: Runuvenjing og jetflogfør
Dysturin verður spældur á Swissporarena í Luzern. Leikvøllurin bleiv umbygdur í 2011 og er ein sokallaður multileikvøllur, ið eisini kann hýsa øðrum tiltøkum.
Les eisini: Ivamálið er á vinstra bakki
Dysturin móti Føroyum verður sunnudagin klokkan 17. Rás2 sigur beinleiðis frá dystinum.
