Jóan Símun Edmundsson var við frá byrjan, og hann spældi allan dystin uttan næsaverju, tá OB í dysti í donsku superliguni tók ímóti Esbjerg fyrr í kvøld.
OB vann greiðan 3-0 sigur. Støðan í steðginum var 0-0. Jóan Símun Edmundsson hevði ein góðan stútara ímóti málinum hjá Esbjerg, sum fór dygst framvið stongini. Í seinni hálvleiki átti Jóan Símun sín lut í málinum til 2-0, tá hann hevði góða roynd ímóti málinum hjá Esbjerg, sum málverjin bjargaði. Rasmus Festersen var skjótur á returinum, og fekk beint bóltin í málið. Sami Rasmus Festersen hevði stutt frammanundan lagt OB á odda 1-0. Ímóti dystarenda staðfesti Anders K. Jacobsen sigurin, tá hann skoraði til 3-0.
Komandi dysturin hjá OB verður á heimavølli, týskvøldið 18. apríl, tá fjónbúgvarnir taka ímóti felagnum hjá Brandi H. Olsen, Randers FC.
Støðan í niðurflytingarbólki 1, har liðini hava tikið stigini við sær úr grundspælinum:
| 1 | Randers FC | 2 | 1 | 1 | 0 | 28 - 32 | 37 | |
| 2 | OB | 2 | 1 | 1 | 0 | 29 - 32 | 32 | |
| 3 | AC Horsens | 2 | 0 | 1 | 1 | 29 - 47 | 30 | |
| 4 | Esbjerg fB | 2 | 0 | 1 | 1 | 28 - 51 | 25 |
