Hervør Eidesgaard,
valevni Javnaðarfloksins til býráðsvalið á Tvøroyri
Tað eru nú 14 ár, síðan eg og familja mín valdu at búsetast her á plássinum. Vit fullu skjótt til. Her búgva blíð og fyrikomandi fólk, og her eru karmar, ið gera tað liviligt og fáa fólk at trívast á staðnum.
Hóast hetta er okkurt, ið kundi verið betri, og vil eg her nevna nøkur dømi, ið arbeitt kundi verið við í samband við trygd og trivna á plássinum, um tit skuldu víst mær tað álit at valt meg í býráðið.
o Trygg ferðslu- og gonguviðurskifti.
o Orða ein greiðan barna, ungdóms- og eldrapolitikk
o Náttarbuss til tey ungu, møguliga í samstarv við aðrar kommunir í oynni.
o Eitt stað til ungdómin, tá tey ikki eru til ítrótt, ungdómsmøti ella í dansi. Børnini eru tað besta vit eiga, tí mugu vit eisini bjóða teimum tað besta, vit kunnu.
o Tættari samband við borgaran, so vit í felag finna útav møguligum tørvi ella ábótum. Eitt nú viðvíkjandi eldrarøkt. Tey eldru hava givið okkum tað, vit byggja á.
o Kommunalir bygningar eiga at vera atkomiligir fyri øllum borgarum.
o Raðfesting av íløgum og ábøtum møguliga við eini langtíðarætlan.
o Grundstykki til rímiligan prís eiga at vera tøk til uppvaksandi ættarliðið, tilflytarar og virki.
o Hugna um miðbýin, so felags tiltøk kunnu fáa røttu karmar.
o Kommunan má framhaldandi taka stig til at minka um dálkingarvandan, her hugsi eg serliga um "Agenda 21", ið er ein altjóða sáttmáli, har hugsað verður um at minka dálkingina bæði í náttúruni og av tilfeinginum
Gott val
