Trý lið eru í stórari kapping um gullið

Tað er neyvan komin fyri áður, at kappingin um FM heitið í kvinnufótbólti hevur verið so stór, sum hon nú er. Fýra feløg eru við í FM endaspælinum, og NSÍ, KÍ og Víkingur hava øll møguleika at vinna meistaraheitið.

Í dag vann KÍ 3-0 á heimavølli ímóti HB, og tá ið grannauppgerðin í Runavík millum NSÍ og Víking endaði 1-1, ber ikki til at siga annað, enn at eisini í tí dystinum var KÍ vinnarin.

Í Klaksvík var hálvleiksstøðan í dag 2-0, og í Runavík var hálvleiksstøðan málleysur javnleikur.

Hósdagin verður útsetti dysturin millum Víking og KÍ í Sarpugerði, og annan mánadag vera tveir dystir – NSÍ – KÍ og HB – Víkingur. Øll liðini spæla tvær ferðir ímóti hvørjum øðrum. Sætta og síðsta umfar í FM endaspælinum verður leygardagin 19. oktober.

Skipanin er soleiðis, at stigini, sum vóru vunnin í grundspælinum, telja við í uppgerðini í endaspælinum.

KÍ – HB 3-0 (2-0)

1-0: Malena Olsen 19.

2-0: Eyðvør Klakstein 29.

3-0: Sólja Ernstsdóttir 69.

NSÍ – Víkingur 1-1 (0-0)

1-0: Evelin Da Silva Mastropasqua 58.

1-1: Eydna Olsen Dalheim 71.

Hósdagin 26. september

Víkingur – KÍ: Andras Frederiksberg kl. 17.00

Mánadagin 30. september

NSÍ – KÍ:  Jonn Sólheim Thomsen

HB – Víkingur: Dávid Waag Sjóstein