- Í løtuni eru øll partrolarapørini uttan tað eina til fiskiskap, og skipini hava misjavnan fiskiskap.
Tað siga tey á Fiskamarknaði Føroya í dag.
Umframt upsa, fáa skipini eisini nakað av hvítum fiski, serliga hýsu og hvítingi. Væntandi er, at fleiri partrolarapør koma inn at landa í vikuni.
Um djúpvatnstrolararnar verður sagt, at ein ísfiskatrolari fiskar svartkalva, ein fiskar upsa, og ein fiskar tosk. Haraftrat fiskar ein frystitrolari svartkalva.
- Jákup Sverri ger yvirlitskanningar. Skipið fær mest av hýsu, toski og upsa og kemur inn at landa miðskeiðis í vikuni.
Á Fiskamarknaði Føroya vita tey at siga, at allir teir smáu trolbátarnir eru norðanfyri, og teir koma allir inn at landa í vikuni.
- Trolbátarnir, sum fáa mest av toski, hýsu og nakað av upsa og flatfiski, hava brúkiligan fiskiskap.
Í løtuni fiska trý garnaskip svartkalva, og eitt fiskar havtasku. Garnaskipini hava brúkilgan fiskiskap, og væntandi koma øll inn at landa í vikuni.
