Tey fýra føroyingaliðini í bestu donsku kvinnudeildini í hondbólti vóru í leiki í kvøld.

Í Bavnehøj-høllini tóku Súna K. Hansen (myndin) og liðfelagarnir í Ajax móti Pernillu Brandenborg og liðfeløgunum í Keypmannahavn.

Keypmannahavn vann ein trivaligan 37-24 sigur. Í fyrra hálvleiki var Ajax betri við, og í steðginum var Keypmannahavn bert á odda við trimum málum, 16-13.

Hóast tapið gjørdi Súna vart við seg við at toppskjútti saman við Katrine Jacobsen við fimm málum. Harumframt legði Súna upp til tvey mál.

Pernille skoraði tvey mál, legði upp til eitt og vann liðnum hjá sær eitt brotskast.

Liðið hjá Rakul Wardum, Ringkøbing vann á heimavølli 26-25 (13-14) á Aarhus. Men sæð við føroyskum landsliðsbrillum var ikki talan um ein góðan dyst.

Kappingarneytin hjá Rakul, Ida Vium stóð allan dystin, og hon bjargaði 39 prosent av málroyndunum. 

Jana Mittún og liðfelagarnir í Viborg vunnu á útivølli 29-23 á Silkeborg-Voel. Í steðginum var Silkeborg-Voel á odda 16-14.

Jana var noterað fyri eitt upplegg til mál. 

Støðan: