Flogbóltur
Holte spældi um vikuskiftið móti Marienlyst Volley. Ein dystur, sum mest sum kundi tryggja Bárði Mikkelsen og liðfeløgunum eitt pláss í hálvfinaluni, um teir vunnu dystin. Hinvegin skuldi Marienlyst vinna dystin, um teir skuldu hava møguleikar at røkka hálvfinaluni.
Og Marienlyst vann dystin. Fyrrverandi felagið hjá Bárði tók tey bæði fyrstu settini í dystinum, men tá Holte so aftur gjørdi ein vørr, tóktust teir hava fingið fatur á rætta endanum. Í øllum førum mundu teir við tveimum settum á rað hava sálarliga yvirtakið, tá teir fóru undir javnbrótaran, men her svaraðu gestirnir aftur. Marienlyst vann hetta settið 15-9, og leyp sostatt uppeftir á stigatalvuni, har teir nú standa við góðum møguleikum fyri at røkka víðari í kappingini.
Hóast tapið, so er ikki alt enn mist hjá Holte, men hinvegin eru so avgjørt ikki ráð til fleiri kiksarar. Komandi leygardag skulu teir á útivølli royna seg móti Skovbakken Volley.
