– Vit hava skift út internetkjarnuna á Føroya Tele, og í tí sambandinum hava vit trupulleikar við at fáa fatur á einum navnaservara.
Tað sigur Kristian Davidsen, stjóri á Føroya Tele.
Tíðliga í morgin mistu fólk kring landið internetambandið, men Kristian Davidsen væntar, at netið fæst at virka aftur um eina lítla løtu.
– Okkara bestu fólk arbeiða við málinum saman við bestu fólkunum hjá okkara veitarum í Danmark, sigur Kristian Davidsen.
