Amerikanski forsetin, Donald Trump, fer væntandi seinni í dag at skriva undir eina fyriskipan, sum útsetir eina freist fyri, nær hægri tollur móti einum hópi av londum kemur í gildi.
Tað upplýsti tíðindaskrivarin í Hvítu Húsunum, Karoline Leavitt, á tíðindafundi í dag, skrivar AFP.
Upprunaliga freistin er 9. juli, sum væntandi verður útsett til 1. august.
Tað var fyrst í apríl, at forsetin kunngjørdi toll á innflutningi av vørum úr einum hópi av londum. Hann hevur kallað dagin "Frælsisdag".
Sama dag, sum tollurin kom í gildi, valdi amerikanski forsetin at steðga fleiri av teimum í 90 dagar. Hetta er steðgurin, sum higartil hevur verið settur at ganga út mikudagin.
/Ritzau/
