Amerikanski forsetin, Donald Trump, fer at útseta G7 toppfundin frá juni til september og bjóða Avstralia, India, Russlandi og Suðurkorea við.
Tað segði forsetin í nátt okkara tíð við tíðindstovuna Reuters.
Trump sigur, at G7-toppfundurin í núverandi formi »er ein ógvuliga avoldaður bólkur av londum«.
Sambært einum talsmanni hjá Trump ætlar forsetin at umrøða Kina á toppfundinum
G7-toppfundurin skuldi upprunaliga hava verið í mars. Men skjóta útbreiðslan av koronufarsóttini kring heimin merkti, at fundurin mátti útsetast í fyrstu syftu til juni.
Toppfundurin í juni skuldi havt verið á Camp David, summarbústaðnum hjá forsetanum, uttan fyri Washington D. C. Trump segði fyrr í mai, at hann heldur vildi hava ein perónligan fund við leiðararnar fyri G7-londini, Týskland, Bretland, Frankaríki, Italia, Japan og Kanada, enn at halda ein videofund.
Týski samveldiskanslarin, Angela Merkel, avvísti slíkan fund leygardagin grundað á »farsóttarstøðuna«.
/ritzau/
