Pakistan er ein frístaður fyri yvirgangsfólk. Tað heldur Donald Trump, sum í dag, nýggjársdag, langaði út eftir stuðlinum, sum undanmaður hansara gav landinum.
Sambært amerikanska forsetanum hevur USA »av býttheit« sent yvir 33 milliardir dollarar í hjálp til Pakistan seinastu 15 árini.
– Tey hava givið okkum einki annað enn lygnir og dupultspæl. Tey halda leiðarar okkara vera býttar, skrivaði Trump á Twitter.
Stjórnin í Washington umhugsar sambært New York Times í álvara, um hon skal afturhalda ætlaðum stuðli upp á 255 milliónir dollarar.
Orsøkin er eftir øllum at døma manglandi hugurin hjá myndugleikunum har at stríðast ímóti yvirgangi.
Viðurskiftini millum USA og Pakistan eru kølnað munandi seinasta árið.
/ritzau/
