Amerikanski forsetin, Donald Trump, kallar evropisku leiðararnar fyri "veikar" í samrøðu við Politico.
– Eg haldi, at teir eru veikir, sigur hann.
– Men eg haldi eisini, at tey vilja vera sera politiskt korrekt, sigur amerikanski forsetin, sum finst at tilgongdini hjá Evropa til fólkaflytingina og kríggið í Ukraina.
Hann pástendur, at evropiskir leiðarar ikki vita, hvat teir vilja.
Samrøðan varð almannakunngjørd nakrar dagar eftir, at USA í nýggjari trygdarstrategi lýsti Evropa sum eitt meginland í afturgongd - bæði búskaparliga og viðvíkjandi talufrælsinum.
Samstundis hevur USA funnist at ES fyri bót til sosiala miðilin X.
Trump varð týsdagin útnevndur sum mest ávirkandi persónur í Evropa av Politico, frammanfyri danska forsætisráðharran, Mette Frederiksen (S).
/Ritzau/
