Á einum veljaratiltaki í statinum Michigan í gjar var Donald Trump í øðini inn á tann dómaran, sum hevur dømt í einum máli um svik ímóti fyrrverandi forsetanum.
Í málinum hevur Arthur Engoron dómari fríggjadagin gjørt av, at Donald Trump fær forboð ímóti at reka virki í amerikanska statinum New York í trý ár, eins og at hann skal gjalda næstan 355 milliónir dollarar.
Upphæddin svarar til 2,5 milliardir krónur.
Á veljaratiltakinum í Waterford Township í Michigan segði Trump, at »hesar endurtøkurnar av valdsmisnýtslu ikki bara eru álop á meg, tað eru álop á allar amerikanarar«, skrivar tíðindastovan Reuters.
Á veljaratiltakinum endurtók Trump eisini tann ódokumentaraða pástandin um, at tapið móti sitandi forsetanum, Joe Biden, í 2020 var grundað á valsvik.
Trump-viðhaldsfólk høvdu skeltið við áskriftini »koyr Biden frá«.
Trump er í løtuni favorittur til at vinna republikanska uppstillingarvalið til forsetavalið í november í ár. Demokratiski Joe Biden fer eftir at vinna fýra ár afturat í starvinum.
Málið um svik ímóti Trump, sum varð avgjørt fríggjadagin, reisti løgmálaráðfrúan í New York, Letitia James, sum ákærdi fyrrverandi amerikanska forsetan og familjuvirki hansara, Trump Organization, fyri kunstiga at hava blást upp virða á felagnum.
Tað skuldi vera gjørt fyri at fáa frægari lánitreytir.
##med2##
Umframt Trump var málið reist ímóti tveimum teimum elstu synum hansara, Donald Trump Jr. og Eric Trump.
Í avgerðini skrivar dómarin, at Trump og hinir skuldsettu ikki duga at viðurkenna sínar feilir.
/ritzau/
