Soleiðis segði fyrrverandi amerikanski forsetin, Donald Trump, áðrenn hann fór umborð á privatflogfarið hjá sær á flogvøllinum Hartsfield-Jackson í Atlanta í nátt.
Tað skriva tíðindastovurnar Reuters og AFP.
Fyrrverandi forsetin sipaði til málið, har hann saman við øðrum 18 fólkum er ákærdur fyri at hava roynt at snýta úrslitið av forsetavalinum í amerikanska statinum Georgia.
Hann kom aftur á flogvøllin eftir formliga at hava yvirgivið seg til myndugleikarnar í einum fongsli í Fulton County í Georgia.
– Vit hava allan rætt at seta spurnartekin við eitt val, sum vit halda var óreiðiligt, sigur hann sambært CNN.
/ritzau/
