- Væntandi koma tvey partrolarapør inn at landa mánadagin, og nøkur koma seinni í vikuni. Fiskiskapurin hjá partrolarunum er framvegis smáligur.
Tað vita tey á Fiskamarknaði Føroya at siga. Lagt verður aftrat, at umframt upsa, hava partrolararnir eisini fingið nakað av svartkalva og kongafiski.
Fríggjadagin lógu flestu djúpvatnstrolarar. Bert ein var til fiskiskap. Hesin fiskar svartkalva og frystir veiðina umborð. Væntandi fara fleiri djúpvatnstrolarar út aftur í næstum.
- Tríggir trolbátar eru til fiskiskap, og í løtuni fiska allir havtasku. Trolbátarnir koma væntandi inn at landa fyrst í vikuni, vita tey á Fiskamarknaði Føroya at siga.
