Flestu partrolarapør eru til fiskiskap, men upsafiskiskapurin roynist framvegis ikki. Skipini koma inn at landa, sum næsta vika gongur.
Á Fiskamarknaði Føroya vita tey at siga, at ein djúpvatnstrolari er til fiskiskap eftir kongafiski vestanfyri. Hesin landar helst fyrst í næstu viku.
Fýra trolbátar eru eisini til fiskiskap. Teir fáa mest av toski og hýsu og so nakað av flatfiski. Væntandi landa allir miðskeiðis í vikuni.
Tvey garnaskip eru á svartkalvaveiði og koma inn at landa síðst í næstu viku. Tey hava vánaligan fiskiskap.
- Eitt garnaskip fiskar havtasku og hevur brúkiligan fiskiskap. Hetta skipið landar miðskeiðis í næstu viku, verður lagt aftrat.
