Jóhanna Andreasen og Bergtóra Høgnadóttir Joensen skipa fyri tveimum fyrilestrum undir heitinum ?trivnaður og arbeiðsgleði fyri øll? í januar. Fyrri fyrilesturin verður 9. januar kl. 19.30 á Margarinfabrikkini í Tórshavn og seinni fyrilesturin verður 10. januar kl. 19.30 í Húsið í Klaksvík.
Jóhanna og Bergtóra starvast báðar sum HR-mennarir í Eik, men tær skipa eisini fyri fyrilestrum og undirvísing sum hava við starvsfólkaviðurskifti og trivnað at gera.
Heitið á fyrilestrinum er: ?Trivnaður og arbeiðsgleði - fyri øll!?
Nøkur av evnunum, ið umrødd vera, eru:
? Trivnaður - trendur?
? Hvussu fær ein ymisku starvsfólkini at trívast?
? Rúmligi arbeiðsmarknaðurin - hví tað?
? Hugleiðingar um trivnaðarætlan innan almanna- og heilsuøkið
Báðum dámar teimum væl spurningar og kjak við áhoyrararnar, so høvið verður sjálvsagt eisini at seta spurningar.
Fyrilesturin er ókeypis og tekur umleið 2 tímar.
