Trine er donsk, ættað úr Århus, og flutti til Føroya fyri fýra árum síðan, tá hon fór í læru sum málari. Hon trívist væl í málarafakinum, og á tekniska skúlanum í Århus fekk hon bronsu fyri næstbesta karakterin í klassanum.
Hon er fyrsti kvinnuligi málari, sum hevur tikið sína útbúgving hjá føroyskum lærumeistara.
Trine er 20 ára gomul og er gift Finn Ørvarodd í Havn.
Í løtuni er Trine við í arbeiðinum at mála Hotel Tórshavn í Tórsgøtu í Havn.
