Landsstýrismaðurin í mentamálum, Bjørn Kalsø, hevur valt nýtt stýri fyri Kringvarp Føroya, sum tekur við 1. januar 2015.
Tey, sum nú skulu manna stýrið fyri kringvarpið, eru:
Rúni Heinesen, akademiverkfrøðingur, sum Bjørn Kalsø hevur afturvalt til formann.
Hjalmar Hansen, cand.merc.jur. – eftir tilmæli frá politisku flokkunum, sum landsstýrismaðurin hevur afturvalt til næstformann.
Gunvá við Keldu, grafonom – eftir tilmæli frá politisku flokkunum.
Aibritt á Plógv, løgfrøðingur – eftir avgerð landsstýrismansins.
Katrin Petersen, journalistur – eftir tilmæli frá politisku flokkunum.
Theodor E. D. Olsen, sóknarprestur - eftir tilmæli frá politisku flokkunum.
Kári Sólstein, miðlafólk – eftir tilmæli frá starvsfólkunum í Kringvarpi Føroya
Varalimirnir eru:
Eyðhild Skaalum, løgfrøðingur – eftir avgerð landsstýrismansins.
Anja Rein, bankalærd – eftir tilmæli frá politisku flokkunum.
Rói B. Poulsen, sølumaður – eftir tilmæli frá politisku flokkunum.
Uni Næs, dómpróstur – eftir avgerð landsstýrismansins.
Dorit Hansen, ritstjóri – eftir tilmæli frá politisku flokkunum.
Veronika Petersen, lærari – eftir tilmæli frá politisku flokkunum,
Carsten Arnskov, miðlatøkningur – eftir tilmæli frá starvsfólkunum í Kringvarpi Føroya,
Stýrið tekur við 1. januar 2015 og situr í fýra ár.
Nývald í stýrið eru Gunvá við Keldu og Aibritt á Plógv, sum eru vald fyri Oddvá Nattestad og Miu Petersen.
Nýtt starvsfólkaumboð er Kári Sólstein, sum er valdur fyri Karsten Arnskov.
- Stýrið er ovasta leiðslan fyri Kringvarpinum og hevur yvirskipaðu ábyrgdina av, at ásetingarnar í lógini og øðrum fyriskipanum um virksemið hjá stovninum verða fylgdar.
Stýrið setir og loysir úr starvi stjóra, sum hevur dagligu programmábyrgdina og røkir fyrisitingarligu og búskaparligu leiðsluna av Kringvarpi Føroya.
