Fýra av teimum fimm dystunum í 21. umfari í Effo-deildini vera seinnapartin í dag. Fimti dysturin – oyggjauppgerðin á Skála har ÍF fer at vitja – verður mánakvøldið klokkan 18.
Tað er ikki ofta, at bæði B36 og HB eiga heimavøll sama dag. Soleiðis verður tað í dag, og tá ið eisini AB seinnapartin fer at spæla á heimavølli, so vil tað siga, at tríggir av fýra dystum í dag vera spældir í høvuðsstaðnum.
Líkindini at spæla fótbólt vera góð í dag. Hitin verður 7-12 stig, lotið verður millum lítið og einki, og fyri tað mesta verður tað turt. Onkra staðni verður tað disut og kanska okkurt ælið.
Í dag
HB-B68: Dagfinn Forná kl. 15.00
B36-KÍ: Petur Reinert kl. 17.30
AB-EB/Streymur: Lars Müller kl. 15.00
Víkingur-NSÍ: Eiler Rasmussen kl. 15.00
Í morgin
Skála-ÍF: Alex Troleis kl. 18.00
B36 49
HB 42
Víkingur 30
EB/Streymur 30
NSÍ 28
KÍ 24
ÍF 22
AB 21
Skála 12
B68 10
Víkingur og NSÍ hava spælt 19 dystir, og hini liðini hava spælt 20 dystir
