Maðurin, sum politiið hevur leita eftir, eftir at tríggir menn hóttu ein annan eftir lívinum, er funnin.
Tað var í sambandi við at tríggir menn brutu seg inn á ein mann í Sørvági gjáramorgunin og hóttu hann eftir lívinum, at tann eini maðurin helt í hagan undan politinum.
Hann var tó handtikin í Miðvági í gjár.
Hann var sjálvur komin aftur til Miðvágs, og har varð hann handtikin og førdur til avhoyringar, sigur vakthavandi á politistøðini.
Eftir avhoyringina var maðurin latin leysur, men allir tríggir verða skuldsettir í sambandi við hóttanina eftir lívinum.
