FLOGFERÐSLA
Ruturnar millum Føroyar og Danmark eru eisini loftferðslurutur, har kapping er millum tveir veitarar.
Tøl, sum Sosialurin hevur fingið upplýst ymsastaðni frá, vísa, at í 2002 vóru umleið. 197.000 retur setur til Danmarkar og 131.476 ferðafólk sótu í setrunum. Tað vil so siga, at triðja hvørt setur er tómt á rutunum til Føroya.
Serliga í februar og november
Skilið er serliga ringt í mánaðunum februar og november. Summarfrítíðin og jólafríðin eru góðir dagar hjá flogfeløgunum. Viðmerkjast skal eisini, at í tíðarskeiðum er eftirspurningurin væl størri til Føroyar enn hinvegin ella øvugt.
Eftir hvat vit hava fingið uppspurt, so eigur Atlantic Airways á leið 57% av markaðarnaðinum, og Maerks-Air hini 47%.
Tað eru bert hesir báðir veitararnir, sum hava loyvi at flúgva til og úr Føroyum.
Ikki tíð
Tað hevur gingið illa í hond at fáa viðmerkingar frá Atlantic Airways og Maersk-Air. Bæði Magni Arge, stjóri fyri Atlantic Airways, og Keld Mosgaard Christensen, varastjóri hjá Maersk-Air, høvdu ikki stundir at tosa við blaðið áðrenn evstamark.
--
